Avropa Şurası Parlament Assambleyasında (AŞPA) Azərbaycan üzrə həmməruzəçinin seçilməsi üzrə seçki keçirilib.
ANS PRESS-in məlumatına görə, Polşanın 1994-cü ildən AŞPA-dakı nümayəndə heyətinin üzvü, qurumun siyasi komitəsinin sədr müavini, monitorinq komitəsinin üzvü və xarici əlaqələr üzrə alt komitənin sədri Tadeuş İvinskini Azərbaycan üzrə həmməruzəçi seçilib.
Yeni seçki AŞPA-nın maltalı deputat Cozef Debano Qrexin Azərbaycan üzrə həmməruzəçi səlahiyyətləri başa çatdığı üçün baş tutub. Azərbaycan üzrə ikinci məruzəçi ispaniyalı deputat Pedro Aqramuntdur.
Xatırladaq ki, Azərbaycan 2001-ci ildən Avropa Şurasının üzvüdür. Ölkə üzərinə müxtəlif sahələrə aid, o cümlədən insan hüquq və azadlıqları ilə bağlıçoxsaylı öhdəliklər götürüb. Həmməruzəçilərin səlahiyyət müddəti beş ildir.
Mənbə
ANS PRESS
