[ 27 Dekabr 2014 20:56 ]
Bakı-APA. Tutulmasına görə 3 mln dollar vəd edilən “Əş Şəbab” terror qruplaşmasının lideri Somalidə polisə təslim olub.
Bu barədə APA “RİA Novosti”-yə istinadən xəbər verir.
“Zəkəriyyə İsmayıl Əhməd Hersi Qido əyalətində polisə təslim olub. O təslim olub”, deyə Somali kəşfiyyat idarəsinin nümayəndəsi “Frans Press”ə bildirib.
Qeyd edək ki, ABŞ prezidenti administrasiyası 2012-ci ilin iyununda Zəkəriyyə İsmayıl Əhməd Hersinin tutulmasına yaxud məhv edilməsinə görə 3 mln dollar vəd edib.
