Bakı Metropolitenində növbəti problem yaşanıb. “Bakı Metropoliteni” SC-nin mətbuat və ictimaiyyətlə əlaqələr şöbəsinin rəisi Nəsimi Paşayevin Lent.az-a bildirdiyinə görə, problem metronun Dərnəgül-Həzi Aslanov stansiyası istiqamətində hərəkət edən qatarda baş verib: “Saat 18:24 radələrində qeydolunan xətt üzrə hərəkət edən 21 saylı qatarda ("28 may" stansiyasında) nasazlıq yaranıb. Sərnişinlər qatardan düşürdülüb”.
Metropolitenin şöbə müdiri onu da qeyd edib ki, artıq problem öz həllini tapıb: “Xəttə əlavə qatar buraxıldı. Buna görə bir neçə dəqiqə sərnişinlər gözləməli oldu. Artıq problem yaşanmır”