Orta yaş həddi 67, pensiya yaşı 65...

Orta yaş həddi 67, pensiya yaşı 65...
11:05 29 Sentyabr 2015
229 Digər
Ölkə mətbuatı
A- A+

"Fikrimcə, pensiya yaşı gələn ildən 65-ə qaldırıla bilər. Bunun başlıca səbəbini pensiya fondunun maliyyə durumunun pisləşəcəyində görürəm".

"Qafqazinfo" xəbər verir ki, bunu iqtisadçı Qubad İbadoğlu Dövlət Sosial Müdafiə Fondunun (DSMF) sədri Elman Mehdiyevin pensiya yaşının qaldırılma ehtimalı haqda açıqlamasına münasibət bildirərkən deyib. Q. İbadoğlu bildirib ki, hazırda Fondun maliyyə dayanıqlığına 2 başlıca amil mənfi təsir göstərir: "Birincisi, əmək pensiyası alanların sayı ildən-ilə artır. Hazırda onların sayı 1,3 milyona çatıb və say tərkibinə görə əmək peniyaçılarının 61 faizə qədəri yaşa görə təqaüdə çıxanlardır.

İkincisi, Dövlət Sosial Müdafiə Fondunun büdcəsi artdığı halda onun daxilolmaları, xüsusilə də özəl sektordan ayırmalar, azalır. Növbəti il üçün Fondun büdcəsi 3 milyard 78 milyon 600 min manat təklif olunub ki, onun da 60 faizə qədəri büdcə mənbəli maliyyələşmədən formalaşacaq. Son illər dövlət büdcəsinin xərclərinin azalması fonunda bu sahədə öhdəliklərə gələcəkdə problem yaranacağı da indidən bəllidir.

Digər problem isə iş yerlərinin ixtisarı və əmək haqqı fondunun kiçilməsi ilə bağlıdır. Növbəti ilin büdcə-vergi siyasətində sosial sığorta ayırmalarında artıma nail olmaq hökumətin qarşısında vəzifə kimi qoyulsa da, bu o qədər də asan olmayacaq. Çünki dövlət pensiya sisteminin normal maliyyələşməsi üçün 1 pensiyaçıya mütənasib olaraq 3 işçi fəaliyyət göstərməli və onlar müntəzəm olaraq sosial sığorta ayırmaları etməlidirlər. Azərbaycanda bu göstərici 2 dəfədən də aşağıdır. Görünür, pensiya-sığorta sisteminin əhatəliyini genişləndirmək probleminin ciddiliyi hökumətdə başqa alternativləri saxlamayacaq. Odur ki, gələn ildən pensiya yaşı 65-dək qaldırıla bilər.

Məlumat üçün qeyd edim ki, BMT-nin insan inkişafına dair illik hesabatında da Azərbaycan orta ömür müddətinə görə 187 ölkə arasında 125-ci yeri bölüşür. Hesabatda Azərbaycanda orta ömür müddəti 67 göstərilir. Dövlət Statistika Komitəsində isə bununla razılaşmırlar. Komitənin açıqlamasına görə, Azərbaycanda orta ömür müddəti 73,8-dir. Kişilərin orta yaş həddi 71,2, qadınların isə 76,5".

Milli.Az


Xəbərin orijinal ünvanı: http://news.milli.az/country/372023.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR