Keçən həftələrdə Nyu-Yorkda və Milanda moda həftələrində podiuma çıxan Gigi Hadid heç bir dəfiləni buraxmayıb.
Axşam.az-ın xarici KİV-ə istinadən məlumatına görə, Fələstin əsilli model artıq podiumun əsas ulduzları ilə eyni səviyyəyə qalxıb. O, son həftə bacısını da özü ilə podiuma çıxarıb. Bella Hadid nə qədər gözəl olsa da, hələ ki, Giginin kölgəsində qalır.
Milan və Nyu-Yorkda dəfilələri izləyən dəb tənqidçiləri və bloqqerlər G.Hadidiin çıxışından narazılıqlarını bildiriblər. Onlar 20 yaşlı qızın selulitlərinin açıq-aşkar göründüyünü deyiblər, duruşunu isə belində çanta daşıyan məktəbli qıza bənzədiblər. Gənc qız isə moda həftələri bitdikdən sonra sosial mediada yazılan tənqidlərə cavab verib:
"Neqativ şərh yazan insanların əksəriyyətinin nə haqda danışdıqları barədə heç məlumatları yoxdur. Bəli, mənim bədənim şouda iştirak etmiş digər modellərin bədənindən fərqlənir. Mən özümü ideal hesab etmirəm, amma sizin dediyiniz kimi kök də deyiləm. Dizaynerlər özləri məni dəvət edirlər. Sizin tənqidləriniz nə məni bədənimi dəyişdirməyə məcbur edəcək, nə də dizaynerlərin təkliflərini azaldacaq. Əgər belə bir bədənim olmasaydı, uğur qazana bilməzdim. Mən seksual sayılıram və bununla fəxr edirəm".
