Azərbaycan, Bakı, 29 sentyabr /Trend, müxbir Elmir Murad/
Biləsuvar Gömrük İdarəsi əməkdaşları 935 qram heroin aşkarlayıb.
Dövlət Gömrük Komitəsindən Trend-ə verilən məlumata görə, narkotik maddə Bəhrəmtəpə-Ağcabədi avtomobil yolunun 14-cü kilometrliyində aşkarlanıb.
Keçirilən əməliyyat tədbiri zamanı Azərbaycan vətəndaşları Aydın Hümbətov və Anar Mahmudov saxlanılıb. Onlardan İrandan Azərbaycana qaçaqmalçılıq yolu ilə gətirilən 1 ədəd sellofan bağlamada xalis çəkisi 935,0 qram olan narkotik vasitə - heroin aşkar edilib.
Məqalə müəllifi ilə əlaqə ünvanı: agency@trend.az
Bizi Twitter-dən izləyin: @trend_az
