Bakı, 29 sentyabr, AZƏRTAC
ABŞ-ın Kaliforniya ştatında ekstremal nömrələrin mahir ifaçısı 39 yaşlı Erik Roner həlak olub. O, paraşütlə tullanarkən ağaca dəyib və aldığı xəsarətlər nəticəsində həyatını itirib.
AZƏRTAC Vesti.ru saytına istinadla xəbər verir ki, məşhur ekstremalçı xizək şousunda çıxış edir, həmçinin MTV kanalında yerdə və havada nömrələr göstərirdi. Meri Poppins personajından ilhamlanan Erik Roner 2013-cü ildə hava şarından əlində yalnız böyük çətir tutaraq atılmışdı.
