Bakı, 29 sentyabr, AZƏRTAC
Sentyabrın 29-da Norveç yazıçısı xanım Ragnhild Thori Qərb Universitetində qərb dilləri fakültəsinin tələbələri ilə görüşüb.
Universitetdən AZƏRTAC-a bildirilib ki, görüşdə tələbələrə yazıçının müəllifi olduğu “Nizami Gəncəvi “Leyli və Məcnun”. Aforizmlər” əsərinin məzmunu barədə geniş məlumat verilib, dahi Azərbaycan şairinin həyat və yaradıcılığı, “Leyli və Məcnun” əsərində sevgi amilinin incə məqamlarından söhbət açılıb, fikir mübadiləsi aparılıb.