Bakı, 29 sentyabr, AZƏRTAC
Futbol üzrə on yeddi yaşadək qızlardan ibarət komandalar arasında Avropa çempionatının ilkin seçmə mərhələsində Azərbaycan yığması sentyabrın 29-da ilk oyununu keçirib.
AFFA-dan AZƏRTAC-a bildiriblər ki, Çexiya yığması ilə qarşılaşan komandamız 1:4 hesabı ilə məğlub olub.
Yığmamız seçmə mərhələdə növbəti oyununu oktyabrın 1-də Bakı vaxtı ilə saat 23:00-da Belçika komandasına qarşı keçirəcək.
Komandamızın mübarizə apardığı 6-cı qrupun oyunları Belçikada təşkil olunur.