Bakıda tənha yaşayan qadın bədbəxt hadisə nəticəsində dünyasını dəyişib. Lent.az-ın məlumatına görə, İçərişəhərdə, Əfəndiyev küçəsi 75 ünvanında yaşayan 1940-cı il təvəllüdlü Hüseynova Zemfira Mehdi qızı evdə tək olarkən yıxılıb. Başından ağır xəsarət alan qadın hadisə yerindəcə keçinib.
Bildirilir ki, qadının yıxılmasından xeyli sonra xəbər tutan yaxınları təcili tibbi yardıma müraciət edib və 3 saylı təcili tibbi yardım stansiyasının əməkdaşları evə gəliblər. Lakin ilkin müayinədən sonra qadının xeyli əvvəl vəfat etdiyi məlum olub.
