[ 29 Dekabr 2014 09:53 ]
Zaqatala. Vüqar Heydərov - APA. Zaqatalada minik avtomobili yanıb.
Fövqəladə Hallar Nazirliyinin (FHN) Zaqatala rayon Dövlət Yanğından Mühafizə Hissəsindən APA-nın Şəki-Zaqatala bürosuna verilən məlumata görə, yanğın hadisəsi dekabrın 28-də axşam saat 21:00 radələrində Yevlax-Zaqatala-Gürcüstan sərhədi magistral yolunun Zaqatala rayonunun Qımır kəndi ərazisindən keçən hissəsində qeydə alınıb.
1987-ci il təvəllüdlü, Zaqatala şəhər sakini Bayram İlham oğlu Vəliyev idarə etdiyi “VAZ-2109” markalı 10 CT 668 dövlət nömrə nişanlı avtomobillə Zaqatala şəhəri istiqamətində hərəkətdə olarkən maşında qəfildən alovlanma başlayıb. Hadisə yerinə FHN-in Zaqatala rayon DYMH-nin texnikası və canlı qüvvəsi cəlb edilib. Yanğın nəticəsində minik avtomobilinin yanar konstruksiyaları tam yanıb, maşın yararsız hala düşüb. Yanğın zamanı sürücü Bayram Vəliyev xəsarət almayıb.
Faktla bağlı FHN-in Zaqatala rayon DYMH-də araşdırma aparılır.
