Bu gün "Qalatasaray"ın U-19 komandası ağır məğlubiyyətə uğrayıb.
Milli.Az anspress-ə istinadən bildirir ki, UEFA Gənclər Liqasında çıxış edən "sarı-qırmızılar" İstanbulda "Benfika"lı həmyaşıdlarını qəbul edib.
Qarşılaşma Portuqaliya təmsilçisinin böyükhesablı qələbəsiylə yekunlaşıb. Daha doğrusu futbol tarixində nadir hallarda rastlanan hesab qeydə alınıb - 1:11! Meydan sahibləri 16-cı dəqiqədə Volkanın penalti zərbəsiylə hesabı açarkən onları daha sonra nə gözlədiyindən xəbərsiz idilər.
Fasiləyə qədər 4 qol vuran qonaqlar daha sonra 7 dəfə fərqləniblər."Benfika"nın qollarını Dioqo Qonçalves (3), Xose Qomes (3), Joao Karvalyo (2), Renato Sançes, Hildeberto Pereyra ve Fransisko vurublar.
Bu nəticədən sonra 3 oyundan 9 xal toplayan "Benfika" qrupun lideridi. "Astana"nı 7:1 məğlub edən "Atletiko" 6 xalla 2-ci pillədə, 3 xallı "Qalatasaray" isə 3-cü sırada yer alıb.
Milli.Az 
