Bakı, 22 oktyabr, AZƏRTAC
Oktyabrın 23-də “bp” neft şirkətinin təşkilatçılığı ilə Azərbaycan Milli İncəsənət Muzeyində “İncəsənət fotoqrafların gözü ilə” adlı sərgi açılacaq.
Muzeyindən AZƏRTAC-a bildirilib ki, layihədə peşəkar fotoqraflarla yanaşı, həvəskar fotoqrafların da fotoları nümayiş olunacaq. Artıq şirkətin ikinci dəfədir ki, həyata keçirdiyi sərgidə, həmçinin müsabiqənin nəticələrinə görə qaliblərə mükafatlar təqdim olunacaq.
Qeyd edək ki, “bp” neft şirkəti Azərbaycandakı fəaliyyəti dövründə muzeylərdə “Açıq qapı” günləri, foto müsabiqələr, yaradıcı insanlarla görüşlərin və bir çox mədəni tədbirlərin keçirilməsində fəal iştirak edir.
