Bakı. Anaxanım Hidayətova – APA. İtaliya, Almaniya və Niderlandda H5N8 virusu (“quş qripi”) aşkarlanıb.
APA-nın Ümumdünya Səhiyyə Təşkilatına istinadən verdiyi məlumata görə, virusun yayılma halları quşçuluq fermalarında qeydə alınıb.
“Quş qripi”nin yüksək patogen xüsusiyyətinə malik H5N8 virusu bundan öncə Cənubi Koreya və Yaponiyada aşkar edilib. ABŞ-da isə ötən həftə virus çöl quşunda tapılıb.
Hələlik virusun insanlar arasında yayılma halları müşahidə olunmayıb. Bununla belə müvafiq dövlət strukturları lazımi tədbirlər görürlər. Çünki “quş qripi”nin bəzi növləri insanlara keçə bilər.