Bakı, 11 noyabr, AZƏRTAC
"Azerbaijan Coca-Cola Bottlers" şirkəti Yeni İl bayramı ərəfəsində yeni kampaniyaya start verir.
Şirkətdən AZƏRTAC-a bildiriblər ki, gələn ilin yanvarın 6-dək 2 və ya 2,5 litrlik "Coca-Cola" və ya "Fanta Portağal", yaxud 2 litrlik "Sprite" alanlar avtomobil udmaq şansını qazanacaq. "Coca-Cola", "Fanta Portağal" və ya "Sprite"ın qızılı qapağının altındakı unikal kodu istənilən mobil rabitə operatorunun şəbəkəsi vasitəsilə 7676 nömrəsinə pulsuz SMS göndərərək hər bir şəxs uduş kampaniyasında iştirak edə bilər. Hər həftənin çərşənbə günü keçiriləcək lotereyada "Volkswagen Polo" avtomobili oynanılacaq.