"Qarabağ"ın Avropa Liqasının qrup mərhələsindəki rəqibi "Monako"nun zədədən əziyyət çəkən futbolçusu Fabio Koentrao sağalıb.
Milli.Az qol.az-a istinadən xəbər verir ki, portuqaliyalı futbolçu artıq komanda ilə məşqlərə başlayıb.
Zədə səbəbindən "Qarabağ"la hər iki görüşü buraxmalı olan Koentraonun Fransa Liqasının, eləcə də Avropa Liqasının qarşıdakı oyunlarında meydana çıxacağı gözlənilir.
Qeyd edək ki, müqavilə ilə "Real"a məxsus olan Koentrao "Monako"da icarə əsasında oynayır.
Milli.Az
