x
Loading...

Hakimi vuran azərbaycanlı idmançı cəzalandırıldı (VİDEO)

Hakimi vuran azərbaycanlı idmançı cəzalandırıldı (VİDEO)
09:46 12 Noyabr 2015
24 İdman
Ölkə mətbuatı
A- A+

Azərbaycanın futzal üzrə milli komandasının keçmiş üzvü, hazırda "Viraj" klubunun şərəfini qoruyan Sərxan Mikayılov hakimi vurduğuna görə 2 illik diskvalifikasiya olunub.

ANS PRESS-in məlumatına görə, diskvalifikasiyadan əlavə o 50 min rubl (təqribən 820 manat) cərimə də ödəməli olacaq.

Mini-futbol üzrə Azərbaycan yığmasının sabiq-oyunçusu "Kurqanla" birinci tur matçı zamanı hakimi vurub.

Oktyabrın 31-də Kurqanda keçirilən oyun 6:1 hesabla meydan sahiblərinin qələbəsiylə başa çatıb. Mikayılov oyun epizodlarından birində hakimin ona qarşı cərimə zərbəsi təyin etməməsi səbəbindən hakimi vurub.

Azərbaycanlı futzalçı rəqiblə top uğrunda mübarizədə iki dəfə yerdə qalsa da hakim Mikayılovun özünün qaydaları pozduğu qənaətinə gəlib. Belə qərarla razılaşmayan "Viraj" futbolçusu topu hakimin sifətinə tulladığı üçün qırmızı kartı alıb.

Əsəblərinə hakim olmayan Mikayılov meydandan qovulmasından sonra hakimə yumruq zərbəsi vuraraq onu nokdauna salıb.


Xəbərin orijinal ünvanı: http://anspress.com/index.php?a=2&lng=az&cid=4&nid=364578

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

RƏYLƏR

BU KATEQORİYADAN DİGƏR XƏBƏRLƏR