Gəncə, 12 noyabr, AZƏRTAC
Azərbaycan Texnologiya Universitetində (ATU) metallurgiya mühəndisliyi ixtisası üzrə təhsil alan tələbələr Gəncədəki “Det-AL” Alüminium Kompleksində olublar.
AZƏRTAC xəbər verir ki, kompleksin direktoru Cəmil Səfərov müəssisələr haqqında ətraflı məlumat verdikdən sonra tələbələr istehsalat sahələrini gəziblər.
Gələcəyin metallurqları metaltökmə, fasiləsiz yayma, soyuq yayma, təzyiqlə emal və boyama sexlərini gəzərkən onlara istehsalat prosesi haqqında ətraflı məlumat verilib, suallar cavablandırılıb.
