Bakı, 12 noyabr, AZƏRTAC
Noyabrın 12-də Məzahir Pənahovun sədrliyi ilə Mərkəzi Seçki Komissiyasının növbəti iclası keçirilib.
Mərkəzi Seçki Komissiyası Katibliyinin media və ictimai əlaqələr şöbəsindən AZƏRTAC-a bildiriblər ki, əvvəlcə Komissiyanın 2015-ci il 10 noyabr tarixli iclasının protokolu təsdiq edilib.
Sonra Azərbaycan Respublikasının Milli Məclisinə 2015-ci il noyabrın 1-də keçirilmiş seçkilərlə bağlı Komissiyaya daxil olmuş müraciətlərə baxılıb. Ərizəçilərin və maraqlı tərəflərin iştirakı ilə Mərkəzi Seçki Komissiyasının üzvləri tərəfindən aparılan müzakirələrdən sonra daxil olmuş müraciətlərlə əlaqədar müvafiq qərarlar qəbul edilib. İclasda cari məsələlərə də baxılıb.
Kütləvi informasiya vasitələrinin nümayəndələri də iclasda iştirak ediblər.