Bakı, 13 noyabr, AZƏRTAC
Dini Qurumlarla İş üzrə Dövlət Komitəsinin (DQİDK) Sumqayıt bölgəsi üzrə şöbəsinin əməkdaşları Respublika Gözdən Əlillər Cəmiyyətinin Abşeron rayon şöbəsinin müdiri Timur Balayevlə görüşüblər.
Dövlət Komitəsindən AZƏRTAC-a bildiriblər ki, şöbənin əməkdaşları Timur Balayevə Dini Qurumlarla İş üzrə Dövlət Komitəsinin təşəbbüsü ilə brayl əlifbası ilə nəşr olunmuş “Qurani-Kərim” təqdim ediblər. T.Balayev göstərilən diqqətə görə təşəkkürünü bildirib.
Xatırladaq ki, cari ilin iyulunda DQİDK-nın maliyyə dəstəyi ilə Azərbaycanda ilk dəfə brayl əlifbası (ciddi görmə problemli insanların oxuyub-yazması üçün tərtib edilən əlifba) ilə “Qurani-Kərim” çap edilib.