Noyabrın 4-də Xəzər dənizinin Şabran ərazisində itkin düşən balıqçılardan sonuncusunun meyiti tapıldı.
ANS PRESS-in xəbərinə görə, Xəzər dənizinin Xaçmaz rayonunun Niyazabad kəndi ərazisində balıq tutarkən dəniz sularına qərq olan Xaçmazın Tikanoba kənd sakini Laçın Laçınovun meyidi bu gün aşkarlanıb. FHN -nin Xaçmaz regional mərkəzindən aldığımız xəbərə görə, meyit artıq ailəsinə təhvil verilib. Bununla da 9 gün əvvəl Xəzər dənizində itkin düşən hər 3 balıqçının meyiti tapıldı.
Laçın Laçınovun meyiti tapıldı
Xatırladaq ki, 3 balıqçı noyabrın 4-ündə itkin düşüblər. Dənizə balıq tutmaq niyyəti ilə gedənlərlə həmin gün qəfil əsən küləkdən sonra əlaqə saxlamaq mümkün olmayıb. İtkin düşənlərin hər 3-ü Xaçmaz rayon sakinidir. Balıqçıların qohumlarının ANS PRESS-ə verdikləri məlumata görə, onların qayıqları sahildən 500 metr aralıda aşkarlanıb.