Bakı, 13 noyabr, AZƏRTAC
Noyabrın 13-də Mərakeşdə sambo üzrə dünya çempionatı başlayıb.
AZƏRTAC xəbər verir ki, mundialda ölkəmizi 8 idmançı təmsil edir.
Baş məşqçi Yaqub Abdullayevin rəhbərliyi altında Nəsimi Umbayev, Mehman Xəlilov, Cavidan Qarayev, Emil Həsənov, Amil Qasımov və Nazir Əlisultanov mükafatlar uğrunda mübarizə aparırlar.
Daha iki idmançımız – Fərid Yusifov və Nizami Məmmədov isə döyüş sambosu yarışlarında iştirak edəcək.
Çempionata noyabrın 15-də yekun vurulacaq.
