x
Loading...

Kəmaləddin Heydərov Mingəçevir su anbarında görülən işlərlə tanış olub

Kəmaləddin Heydərov Mingəçevir su anbarında görülən işlərlə tanış olub
20:19 13 Noyabr 2015
32 Sosial
Ölkə mətbuatı
A- A+
.

Fövqəladə hallar naziri Kəmaləddin Heydərov Mingəçevir su anbarında görülən işlərlə yerində tanış olmaq məqsədilə bu gün həmin ərazidə olub.

 

Lent.az-ın Fövqəladə Hallar Nazirliyinin (FHN) saytına istinadən verdiyi məlumata görə, nazirliyin Su Ehtiyatları Dövlət Agentliyi və Mingəçevir Şəhər İcra Hakimiyyətinin nümayəndələrinin də iştirak etdiyi səfər zamanı Yaponiyanın “OYO Corporation” və ”Shinyei Kaisha” şirkətlərinin mütəxəssisləri ərazidə icrası nəzərdə tutulan hidrotexniki qurğularda texniki təhlükəsizliyin qiymətləndirilməsi üzrə layihə barədə məlumat verib. Bildirilib ki, layihə üzrə hidrotexniki qurğuların vəziyyətinə nəzarət etmək üçün nəzarət-ölçü cihazlarının quraşdırılması, seysmoloji müşahidə şəbəkəsinin qurulması və dalğalanma nəticəsində yaranan vibrasiyasının öyrənilməsi, qurğuların istismar qaydalarının və təhlükəsizlik bəyannamələrinin yenidən işlənib hazırlanması, texniki nəzarət üzrə yerli mütəxəssislər üçün təlimlərin keçirilməsi nəzərdə tutulur.

 

K.Heydərov həyata keçirilən və icrası nəzərdə tutulan tədbirlərin əhəmiyyətini qeyd etmiş, işlərin vaxtında və keyfiyyətlə yekunlaşdırılmasının vacibliyini bildirib.


Xəbərin orijinal ünvanı: http://news.lent.az/news/221495

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Loading...

RƏYLƏR

BU KATEQORİYADAN DİGƏR XƏBƏRLƏR