Milli komandanın üzvü Pavel Paşayev noyabrın 17-də Moldova ilə keçirəcəkləri yoldaşlıq görüşü haqqında danışıb.
Milli.Az goal.az-a istinadən xəbər verir ki, 27 yaşlı müdafiəçi yığmada ilk oyununu səbirsizliklə gözlədiyini bildirib: "Hələ yığmada debüt etməmişəm. İlk oyunumu səbirsizliklə gözləyirəm. Baş məşqçi şans versə, əlimdən gələnin ən yaxşısını etməyə çalışacağam. Klubda daim əsas heyətə düşməməyimin yığmadakı çıxışıma təsir edəcəyini düşünmürəm. Hər şey yaxşı olacaq. Bu matça da əvvəlki oyunlarda olduğu kimi hazırlaşırıq. Qələbə üçün oynayacaq və ili yaxşı notlarla başa vurmağa çalışacağıq".
Qeyd edək ki, Bakı Olimpiya Stadionunda keçiriləcək görüş saat 21:00-da başlanacaq.
Milli.Az
