"Azər-Türk Bank" nizamnamə kapitalını 50 milyon manata çatdırdı

"Azər-Türk Bank" nizamnamə kapitalını 50 milyon manata çatdırdı
17:38 29 Dekabr 2014
Ölkə mətbuatı
A- A+

Azərbaycan, Bakı, 29 dekabr /Trend/

Bakı Fond Birjasında “Azər-Türk Bank” ASC-nin adi, adlı, sənədsiz səhmlərinin yerləşdirilməsi prosesi başa çatıb.

Bankdan Trend-ə verilən məlumata görə, hər birinin nominal dəyəri 1 manat olan 5.776.341 ədəd səhmin yerləşdirilməsi hesabına bankın nizamnamə kapitalı 50 mln. manata çatdırılıb.

Emissiyanın anderrayteri qismində “İnvest-Az” MMC çıxış edib.

Sonuncu emissiyaya qədər Azər-Türk Bank-ın nizamnamə kapitalı 44.223.659 manat idi. Bankın səhmdarları qismində Azərbaycanın Əmlak Məsələləri Dövlət Komitəsi (85%), Türkiyənin Zıraat Bankı (14%) və Zıraat Bank Almaniya (1%) çıxış edir.

Xatırladaq ki, Azərbaycan Prezidentinin 7 avqust 2009-cu il tarixli 144 nömrəli fərmanına uyğun olaraq, nizamnamə kapitalında dövlətə məxsus səhmlər olan bankların idarə edilməsində dövlətin adından Azərbaycan Maliyyə Nazirliyi iştirak edir.

Məqalə müəllifi ilə əlaqə ünvanı: agency@trend.az

RƏYLƏR

BU KATEQORİYADAN DİGƏR XƏBƏRLƏR