Ötən gün Bərdə və Balakən rayonlarında yanğın hadisəsi qeydə alınıb.
ANS PRESS-in Fövqəladə Hallar Nazirliyinin (FHN) saytına istinadən verdiyi məlumata görə, Bərdə rayonu, Mirzəxan kəndində vətəndaşa məxsus evin həyətyanı sahəsinə yığılmış 3 ton ot bağlamasının 600 kq-ı yanıb. Ot bağlamasının qalan hissəsi yanğından mühafizə olunub.
Balakən rayonu, Katex kəndində isə vətəndaşa məxsus ümumi sahəsi 112 kv.m olan tövlənin dam örtüyünün yanar konstruksiyaları 56 kv.m sahədə və damına yığılmış 4 ton ot bağlaması yanıb. Yanğından tövlənin qalan hissəsi mühafizə olunub.