Bakı, 2 dekabr, AZƏRTAC
Azərbaycan Milli Elmlər Akademiyası İdarəetmə Sistemləri İnstitutunun şöbə müdiri, iqtisad elmləri doktoru, professor Qorxmaz İmanov akademik N.P.Fedorenko adına Beynəlxalq İqtisadi İslahatlar Elm Fondunun qərarı ilə “Rusiya iqtisad elminin inkişafındakı yüksək töhfələrinə görə” mükafatına layiq görülüb.
İnstitutdan AZƏRTAC-a bildiriblər ki, fond tərəfindən diplomların təqdimetmə mərasimi dekabrın 10-da Rusiya Elmlər Akademiyasının Mərkəzi Riyazi-İqtisadiyyat İnstitutunda keçiriləcək.
