UEFA klubların reytinq cədvəlini açıqlayıb.
Milli.Az goal.az-a istinadən xəbər verir ki, bundan öncəki cədvəllə müqayisədə ən böyük yüksəlişə "Qəbələ" nail olub. Avropa Liqasının qrup mərhələsində ölkəmizi təmsil edən "qırmızı-qaralar" 42 pillə irəliləyərək 294-cü yerdən 252-ci yerə yüksəlib.
Qrup mərhələsinin 5-ci turunda səfərdə PAOK-la qolsuz bərabərə qalan Roman Qriqorçukun yetirmələrinin aktivində 5,2250 xal var. Avroliqada digər təmsilçimiz olan "Qarabağ" isə 13,4750 xalla 128-ci pillədə qərarlaşıb. Ötən cədvələ nisbətən ağdamlılar 1 pillə geriləyib.
Qeyd edək ki, siyahıya 153.371 xalla İspaniya "Real"ı başçılıq edir. İkinci pillədə isə Almaniya "Bavariya"sıdı. Münhenlilərin aktivində 144.521 xal var. İlk üçlüyü isə 143.371 xalla "Barselona" qapayır.
Milli.Az