Nardaran hadisələri ilə əlaqədar 32 nəfər barəsində həbs qətimkan tədbiri seçilib.
APA-nın AzTV-yə istinadən məlumatına görə, bu barədə Azərbaycanın daxili işlər naziri Ramil Usubov bildirib.
Onun sözlərinə görə, qəsəbədə keçirilən əməliyyatlar nəticəsində 5 silahlı məhv edilib. Bundan əlavə 6 avtomat, çoxlu sayda tapança və digər silah-sursat aşkar edilib.
R.Usubov Nardaran sakinlərindən xahiş edib ki, əllərdə olan silahları yerlərdəki post patrul xidmətlərinə təhvil versinlər.
"Azərbaycanda ictimai-siyasi sabitlik yüksək səviyyədə qorunur, heç bir narahatlığa əsas yoxdur", deyə nazir bildirib.
