​"Barselona" klubu Messi və Neymarı sata bilər

​"Barselona" klubu Messi və Neymarı sata bilər
04:17 3 Dekabr 2015
47 İdman
Ölkə mətbuatı
A- A+

Bakı. 3 dekabr. REPORT.AZ/ İspaniyanın "Barselona" klubu futbolçuları Lionel Messi və Neymarla yollarını ayıra bilər. "Report"un "Daily Mail"ə istinadən verdiyi məlumata görə, buna səbəb Kataloniya təmsilçisində olan maliyyə problemidir.
Komandanın oyunçularının, məşqçilərinin və texniki heyətin maaşı klub gəlirinin 73%-ni təşkil edir. Bu isə klub üçün olduqca böyük rəqəmdir. Bahalı oyunçular olan Messi və Neymarla yolların ayrılması nəticəsində isə maliyyə problemi həll olunacaq. Üstəlik, komandanın son mövsümdə qazandığı nailiyyətlər, o cümlədən Çempionlar Liqasındakı uğuru futbolçulara böyük miqdarda bonusların verilməsinə səbəb olub. Bu da ciddi maliyyə itkisi ilə nəticələnib.
Ancaq klub prezidenti Xosep Mariya Bartomeu komandanın liderini satmayacaqlarını deyib.
Bundan başqa, "Barselona" ev oyunlarını keçirdiyi "Nou Kamp" stadionunun adından istifadə haqlarını satmağı planlayır. Bununla yanaşı, sponsorlar "Qatar Airways" və "Nike"la məbləğin artırılması şərtilə yeni müqavilənin imzalanması da planlara daxildir.

Xəbərin orijinal ünvanı: http://report.az/futbol/barselona-klubu-messi-ve-neymari-sata-biler

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR