Ötən gün Kərbəladan dönən zəvvarları daşıyan mikroavtobus Tehrandan Amol şəhəri istiqamətində hərəkət edərkən dərəyə aşıb, 7 nəfər ölüb, 7 nəfər yaralanıb, 4 nəfər itkin düşüb.
Trend-in məlumatına görə, bu barədə İranın Mehr agentliyi məlumat verib.
Məlumata əsasən, mikroavtobusda 18 sərnişin olub. Hazırda itkin düşmüş şəxslərin tapılması istiqamətində İranın Qırmızı Aypara Cəmiyyəti və Amol şəhər yanğınsöndürmə idarəsinin əməkdaşları Heraz çayı boyunca axtarışlar aparırlar.
Yaralılardan birinin vəziyyətinin ağır olduğu bildirlir.
Milli.Az 
