Türkiyədə portağalla yüklənmiş TIR-ın aşması ilə nəticələnən yol nəqliyyat hadisəsi baş verib. ANS PRESS-in məlumatına görə, hadisə Tarsus – Adana – Qaziantep D-400 magistral yolunun Adananın Seyhan rayonundan keçən hissəsində baş verib.
Adanadan Osmaniyəyə gedən TIR sürücünün idarə etməni itirməsi nəticəsində aşıb. Aşmış TIR-da sıxılmış vəziyyətdə qalan 32 yaşlı sürücü Həbib Çiçəyk hadisə şahidləri tərəfindən çıxarılıb.
TIR-da olan xeyli miqdarda portağal isə yola səpələnib. Bu səbəbdən magistral yolda avtomobillərin hərəkəti dayandırılıb. Yolu ancaq 2 saatda təmizləyərək avtomobillərin hərəkətini bərpa etmək mümkün olub.