Bakıda sulu qar yağacaq

Bakıda sulu qar yağacaq
13:06 3 Dekabr 2015
Ölkə mətbuatı
A- A+

Sabah Bakıda sulu qar yağacaq.

Ekologiya və Təbii Sərvətlər Nazirliyinin Milli Hidrometeorologiya Departamentindən Axşam.az-a bildirilib ki, dekabrın 4-də Bakıda və Abşeron yarımadasında güclü şimal-qərb küləyi əsəcək. Havanın arabir yağıntılı olacağı gözlənilir. Ayrı-ayrı yerlərdə intensivləşəcəyi, gecə və səhər yarımadanın bəzi yerlərində yağışın sulu qara keçəcəyi, günün ikinci yarısında yağıntının tədricən kəsiləcəyi ehtimalı var.

Havanın temperaturu Bakı və Abşeron yarımadasında gecə 2-4, gündüz 5-7 dərəcəyə isti olacaq.

Azərbaycanın rayonlarında arabir yağış, bəzi yerlərdə sulu qar, dağlıq və dağətəyi rayonlarda qar yağacağı gözlənilir. Ayrı-ayrı yerlərdə intensiv olacağı ehtimalı var. Gündüz qərb rayonlarından başlayaraq yağıntı tədricən kəsiləcək. Güclü qərb küləyi əsəcək.

Havanın temperaturu gecə 0-5, gündüz 5-10, dağlarda gecə 3-8 dərəcə şaxta , gündüz 2 dərəcə şxtadan 3 dərəcəyədək isti olacaq.

RƏYLƏR

BU KATEQORİYADAN DİGƏR XƏBƏRLƏR