Evlərdə dəm qazı sızmasını aşkar edən detektorlar quraşdırılacaq

Evlərdə dəm qazı sızmasını aşkar edən detektorlar quraşdırılacaq
15:19 3 Dekabr 2015
12 Sosial
Ölkə mətbuatı
A- A+

Bundan sonra mənzillərdə dəm qazı sızmalarını aşkar edən detektorlar quraşdırılacaq.

Lent.az-ın məlumatına görə, bunu Trend-ə açıqlamasında Fövqəladə Hallar Nazirliyinin Sənayedə İşlərin Təhlükəsiz Görülməsi və Dağ-mədən Nəzarəti Dövlət Agentliyinin baş məsləhətçisi Eldar Əhmədov deyib. Onun sözlərinə görə, cihazlar yalnız yeni çəkilən qaz xətlərində tətbiq olunacaq.

E.Əhmədov qeyd edib ki, mövcud qaz xətlərində isə yeni cihazların tətbiqi üçün vətəndaşlar da maraqlı olmalıdır: “Artıq bir qayda olaraq bundan sonra yeni çəkilən qaz xətlərində mütləq detektorlar da quraşdırılacaq. Amma buna baxmayaraq, vətəndaşlar müraciət etdiyi təqdirdə köhnə xətlərdə də detektorlar quraşdırıla bilər. Hesab edirəm ki, cihazların quraşdırılması insanları dəm qazı sızmalarından xeyli sığortalayacaq. Ona görə də hər kəs bu cihazlardan mənzillərində istifadə etməlidir”.

Qurum rəsmisi sözügedən cihazların konkret quraşdırılmasına nə vaxt başlanacağı barədə məlumatlı olmadığını desə də qeyd edib ki, hazırda bu istiqamətdə işlər gedir: “ Mövcud qanunvericilikdə bu məsələ ilə bağlı dəyişiklik edilib və cihazların tətbiqi şərt kimi irəli sürülüb”.

 


Xəbərin orijinal ünvanı: http://news.lent.az/news/223802

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR