Robotlar insanların əməyinin 33 faizindən çox hissəsini yerinə yetirəcək

Robotlar insanların əməyinin 33 faizindən çox hissəsini yerinə yetirəcək
16:58 3 Dekabr 2015
25 Digər
Ölkə mətbuatı
A- A+


Bakı, 3 dekabr, AZƏRTAC
Yaponiyada 10-20 il sonra süni intellektə malik robotlar insanların əməyinin 33 faizindən çox hissəsini yerinə yetirəcək. “NHK” televiziya şirkətinin yaydığı məlumata əsasən, Nomura Elmi-Tədqiqat İnstitutunun hesabatında deyilir ki, robotlar supermarket işçiləri, taksi sürücüləri, otellərdə qulluqçu, mühafizəçi kimi işlərin öhdəsindən gələcək.
AZƏRTAC TASS agentliyinə istinadən bildirir ki, Nomura İnstitutu Yaponiyada aparıcı "Nomura Securities" investisiya bankının nəzdində fəaliyyət göstərir. İnstitutun ekspertləri Yaponiyada geniş yayılmış peşələr üçün gərəkli bilik və bacarıqlar üzrə kompyuter təhlili aparıb. Robot texnikasının inkişaf proqnozuna əsasən, yaxın gələcəkdə süni intellektə malik robotlar bu tədqiqat çərçivəsində araşdırılmış 601 növ işdən 235-ni yerinə yetirə biləcək. Hazırda Yaponiya əhalisinin təxminən 25 milyonu (ölkənin iş qüvvəsinin 49 faizi) bu işlərdə çalışır.
Həmçinin araşdırma nəticəsində məlum olub ki, robotlar hələlik aktiv ünsiyyət tələb edən peşələrdə çalışan insanları əvəz edə bilməyəcək.
Məsələn, həkim, müəllim, ekskursiya rəhbərlərini bu kateqoriyaya aid etmək olar. Yuxarıda deyilənlər, həmçinin kreativlik tələb edən peşələrə də şamil olunur. Ekspertlər hesab edirlər ki, texnologiyaların inkişafı bir sıra peşələrin yoxa çıxmasına səbəb ola bilər.
Tədqiqat Yaponiyada əhalinin sürətlə qocalması ilə əlaqədar keçirilib.
Mütəxəssislər hesab edir ki, 2040-cı ilə cari demoqrafik tendensiya saxlanıldığı halda ölkə əhalisinin 36 faizindən çoxunu 65 yaşdan yuxarı insanlar təşkil edəcək.

Xəbərin orijinal ünvanı: http://azertag.az/xeber/Robotlar_insanlarin_emeyinin_33_faizinden_chox_hissesini_yerine_yetirecek-907957

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR