Bakı, 3 dekabr, AZƏRTAC
Xəzər Universitetində “Start-up və sahibkarlar üçün rəqəmsal vasitələr” mövzusunda seminar keçirilib.
Universitetdən AZƏRTAC-a bildiriblər ki, ABŞ-ın ölkəmizdəki səfirliyi tərəfindən təşkil olunan seminarda “Microsoft-Azərbaycan” şirkətinin nümayəndəsi Emin Axundov “Microsoft Imagine Cup” yarışması barədə məlumat verib. Qeyd edilib ki, ötən il yarışmada ikinci yerə layiq görülən Azərbaycan komandasının üzvlərindən biri Xəzər Universitetinin tələbəsidir.
Sonra start-up və sahibkarlıq üzrə amerikalı ekspert Lane Becker start-up sahəsindəki karyera yolu barədə danışıb, uğurlu sahibkar olmaq üçün tövsiyələrini verib.
