Tiflisdə beynəlxalq xeyriyyə yarmarkası keçiriləcək

Tiflisdə beynəlxalq xeyriyyə yarmarkası keçiriləcək
23:54 3 Dekabr 2015
Ölkə mətbuatı
A- A+

Dekabrın 5-də Azərbaycanın Gürcüstandakı səfirliyi Tiflisdə  ənənəvi "Qış sərgisi" adlı beynəlxalq xeyriyyə yarmarkasında iştirak edəcək. APA-nın Gürcüstan bürosunun məlumatına görə, bu barədə Azərbaycanın Gürcüstandakı səfirliyindən bildirilib. Məlumata görə, xeyriyyə yarmarkasında Tiflisdə akkreditə olunan 20-dən çox xarici ölkələrin  diplomatik  nümayəndəlikləri, yerli və xarici şirkətlərin təmsil olunacağı gözlənilir. Tədbirə Tiflis şəhər meriyası və beynəlxalq təşkilatların nümayəndələri də qatılacaq.

 

Azərbaycan səfirliyindən verilən məlumata görə, beynəlxalq xeyriyyə yarmarkasının keçirilməsində əsas məqsəd tədbirdə satışa çıxarılan məhsullardan əldə olunan vəsaitin xeyriyyə məqsədi ilə istifadə olunmasıdır. "Qış sərgisi" xeyriyyə tədbiri iştirak edən ölkələrin tarixi irsinin, mədəniyyətinin və mətbəxinin təbliğ olunması  baxımından böyük əhəmiyyət kəsb edir.

 

Tədbirdə hər il olduğu kimi bu il də Azərbaycan mətbəxindən nümunələr, ölkəmizi təbliğ edən xalçalar, müxtəlif milli suvenirlər, jurnallar və Gürcüstanda fəaliyyət göstərən Azərbaycan və yerli şirkətlərin istehsal etdiyi məhsullar nümayiş etdiriləcək.


Xəbərin orijinal ünvanı: http://news.lent.az/news/223860

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR