Bu qidanı marketdən almayın

Bu qidanı marketdən almayın
12:27 4 Dekabr 2015
47 Sosial
Ölkə mətbuatı
A- A+

Turşu təbii probiotik qidalardan biridir. Türkiyəli həkim Yavuz Dizdar turşunun sağlamlığa faydalarından danışıb.

Milli.Az publika.az-a istinadən həkimin məsləhətlərini təqdim edir:

Təbii probiotiklər həzm sistemi üçün çox faydalıdır. Probiotiklə ən zəngin qidalar qatıq və kefirdir. Ancaq turşu da bu süd məhsulları qədər faydalı hesab edilir.

Doktor Yavuz Dizdarın sözlərinə görə, xüsusilə də, kələm turşusu sağlamlıq üçün əvəzedilməzdir:

"Turşu, xüsusilə, kələm turşusu probiotiklərə olan ehtiyacı tam qarşılayır. Turşunun bağırsaqlara faydalı olması üçün keyfiyyətli sirkə ilə ev şəraitində hazırlanması vacibdir".

Həkim bildirir ki, turşu qaydalara uyğun hazırlanmalıdır:

"Turşusu qoyulan bütün tərəvəzlərin üzərində mikroorqanizmlər olur. Turşu hazırlayarkən həmin mikroorqanizmlərin mayalanması üçün uyğun şərait yaratmaq vacibdir. Elə etmək lazımdır ki, orqanizm üçün faydalı olanlar çoxalsın, zərərli mikroorqanizmlər isə ölsün. Bunu duzla həll etmək olar.

Duz tərəvəzi çürüdə biləcək bakteriyaları məhv edir. Turşunu qaya duzu ilə hazırlamaq lazımdır. Onu sirkə və ya limonla hazırlamaq olar. Limon da sirkə ilə eyni işə yarayır. Tək fərq turşunun dadı olacaq".

Həkim marketlərdə satılan turşuların faydalı olmadığını, hətta sağlamlıq üçün təhlükəli olduğunu vurğulayır:

"Marketlərdə satılan turşuların çoxunda kimyəvi maddələr olur. Bu turşuların üzərində 2-3 il istifadəyə yararlı olduğu göstərilir, halbuki, turşu 6 ay ərzində yeyilməlidir".

Milli.Az


Xəbərin orijinal ünvanı: http://news.milli.az/health/387544.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR