"Bavariya"nın yarımmüdafiəçisi Tomas Müllerin taleyinə aydınlıq gəlib.
Milli.Az apasport.az-a istinadən xəbər verir ki, ulduz futbolçu vətənində qalmağı qərara alıb.
"Mançester Siti", "Çelsi" və PSJ-nin maraq dairəsində olan 26 yaşlı hücumameylli oyunçunun bir müddət əvvəl baş məşqçi Pep Qvardiola ilə münasibəti korlanmışdı. Bu səbəbdən onun legioner həyatı yaşayacağı ilə bağlı söz-söhbət yaranmışdı. Lakin Müller "Bavariya"nın yeni müqavilə təklifini müsbət cavablandırıb. Yaxın günlərdə o, Münhen təmsilçisi ilə anlaşmasını 2021-ci ilə qədər uzadacaq.
Qeyd edək ki, "Bavariya"nın yetirməsi olan Müller 2008-ci ildən peşəkar futbolçu kimi bu klubun formasını geyinir.
Milli.Az