Budapeşt, 4 dekabr, AZƏRTAC
Vışeqrad dördlüyü (V4) ölkələri mini-Şengen yaradılmasına dair layihələri rədd edirlər. Bu barədə Twitterdəki mikrobloqunda Çex Respublikasının Baş naziri Boquslav Sobotka yazıb. O yazıb ki, Çexiya, Slovakiya, Macarıstan və Polşanın baş nazirləri Şengen sərhədinin mühafizəsi məsələsində yekdil olublar. Son vaxtlar qeyri-rəsmi diplomatik görüşlərdə, xüsusən, Şengen məkanının miqrasiya böhranı ilə əlaqədar kiçildilməsinə dair bir neçə qeyri-rəsmi layihə müzakirə olunur. Həmin layihələr Mərkəzi Avropa ölkələrini nəzəri cəhətdən bu zonadan xaric edilməsini nəzərdə tutur.
Pərvanə Qarayeva
AZƏRTAC-ın xüsusi müxbiri
Budapeşt