Bakının Nizami rayonu, Qara Qarayev 94 ünvanında, yaşayış binasının həyətində bu gün səhər saatlarında əsən güclü külək nəticəsində ağac aşıb. Nəticədə bir neçə avtomobilə ciddi ziyan dəyib.
Milli.Az-ın məlumatına görə, zərərçəkənlərdən Rüstəm Yusifov musavat.com-a bildirib ki, onlar avtmobilə dəyən ziyanın aradan qaldırılması üçün qəzanın baş verməsinə dair akt tələb ediblər:
"Nə qədər axtardıqsa, Yaşıllaşdırma İdarəsindən bir nəfər tapıb akt ala bilmədik. O qurumdan bir adam tapa bilmirik ki, maşınları ağacın altında çıxaraq, akt alaq".
R.Yusifov deyir ki, idarənin bir neçə işçisi ağacı kəsmək üçün göndərilmişdi, lakin zərərçəkənlər buna imkan verməyib:
"Biz buna icazə vermədik ki, əvvəlcə akt alaq, daha sonra ağac kəsilsin. Çünki burada sığorta məsələsi də əsasdır".
Milli.Az