Türk hərbi birliyinin zirehli texnikanın dəstəyi ilə İraqın şimalındaki Mosul şəhərinin yaxınlığında dislokasiya olması hərbi müdaxilə aktı kimi qiymətləndirilir.
"Report"-un "İnterfaks" agentliyinə istinadən verdiyi xəbərə görə, bu barədə İraq Xarici İşlər Nazirliyi bəyanat yayıb.
"Türkiyə hərbi kontingenti İraq ərazisinə icazəsiz daxil olub və dərhal ölkə ərazisini tərk etməlidir", - sənəddə deyilir.
Qeyd edək ki, ötən axşam yayılan məlumata görə, 600-ə yaxın türk hərbçi Mosul şəhərindən 30 kilometr şimalda yerləşən Başika qəsəbəsində kürd birliklərə (peşmerge) təlim keçmək məqsədi ilə bölgəyə daxil olub.
Milli.Az