Bakı, 5 dekabr, AZƏRTAC
Dünyanın ən nüfuzlu beynəlxalq maliyyə nəşrlərindən olan "Business New Europe" "Kapital Bank"ı yüksək maliyyə göstəricilərinə görə “Azərbaycanın ən yaxşı bankı" adına layiq görüb.
Bankdan AZƏRTAC-a bildiriblər ki, 2006-cı ildən nəşr edilən "Business New Europe" jurnalı postsovet məkanı, Mərkəzi Avropa, Balkan yarımadası və Mərkəzi Asiyada yerləşən 30-dan artıq ölkədə biznes, iqtisadi maliyyə və siyasət sahələrini əhatə edir. Jurnal ayda bir dəfə ingilis dilində 20 min tirajla nəşr olunur.
