Bakıda küçədə yaşayan şəxs soyuqdan donaraq ölüb. Lent.az-ın məlumatına görə, Bayıl qəsəbəsi Neftçi Qurban küçəsi 144 ünvanın qarşısında şəxsiyyəti məlum olmayan şəxs donvurma əlamətləri ilə xəstəxanaya aparılıb. Bakı Sağlamlıq Mərkəzinə yerləşdirilən şəxsin həyatını xilas etmək mümkün olmayıb.
Araşdırma nəticəsində ölən şəxsin 1966-cı ildə anadan olmuş, Nəsimi rayonunda qeydiyyatda olan və tüfeyli həyat tərzi keçirən evsiz Lozinski Sergey Eduardoviç olması müəyyən edilib.
