Bakı. 6 dekabr. REPORT.AZ/ ABŞ-ın vitse-prezidenti bu gün Ukraynaya səfər edəcək. "Report"un "Amerikanın Səsi"nə istinadən verdiyi xəbərə görə, bu, Co Baydenin vitse-prezidentliyi dövründə Kiyevə beşinci səfəri olacaq.
Səfərin əsas məqsədi - ABŞ-ın Ukraynaya dəstəyinin davam etdiyini nümayiş etdirməkdir.
O, prezident Pyotr Poroşenko və baş nazir Arseniy Yatsenyukla ayrı-ayrı görüşlər keçirəcək. Co Baydenin vətəndaş cəmiyyətinin nümayəndələri və islahatçılarla da görüşü nəzərdə tutulub.