Biləsuvarda baş verən qəzada 4 nəfər ölüb, 1 nəfər yaralanıb

Biləsuvarda baş verən qəzada 4 nəfər ölüb, 1 nəfər yaralanıb
14:07 6 Dekabr 2015
176 Sosial
Ölkə mətbuatı
A- A+

Bakı. 6 dekabr. REPORT. AZ / Biləsuvarda 4 nəfərin ölümü, 1 nəfərin yaralanması ilə nəticələnən yol qəzası baş verib.
"Report" xəbər verir ki, hadisə bu gün günorta saatlarında Ələt-Astara magistral yolunun 115-ci kilometrliyində Biləsuvar rayonunun Cürəli kəndi ərazisində qeydə alınıb. 
Belə ki, Azpetrol şirkətinə məxsus yanacaq daşıyan qoşqulu yük maşını ilə Biləsuvarın Təzəkənd kənd sakini Mənsur Firudin oğlu Bayramovun idarə etdiyi "Vaz-21015" markalı avtomobillə toqquşub. Nəticədə "Vaz-21015"markali avtomobil ciddi zədələnərək dəmir yığınına çevrilib, yük maşını isə yolun kənarına aşıb.
Hadisə zamanı "Vaz-21015" markalı avtomobildə olan bir rayonun Təzəkənd kənd sakinləri olan bir ailənin 4 üzvü-29 yaşlı Tərlan Bayramov, onun arvadı, 29 yaşlı Günay Bayramova, onların uşaqları, 5 yaşlı Nərmin və 4 yaşlı Səkinə Bayramovalar hadisə yerindəcə keçiniblər. Sürücü isə müxtəlif dərəcəli ağır bədən xəsarətləri ilə Biləsuvar Rayon Mərkəzi Xəstəxanasına çatdırılıb.
Faktla bağlı Baş Dövlət Yol Polisi İdarəsi tərəfindən araşdırma aparılır.

Xəbərin orijinal ünvanı: http://report.az/hadise/bilesuvarda-bas-veren-qezada-4-nefer-olub-1-nefer-yaralanib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR