Tovuz, 7 dekabr, AZƏRTAC
Kənd təsərrüfatı məhsullarının istehsalına dövlət dəstəyi tovuzlu fermerlərin də bu sahəyə marağını artırıb. Artıq bir neçə müddətdir ki, rayonda taxıl əkininə start verilib.
Rayon statistika idarəsindən AZƏRTAC-a bildiriblər ki, taxılçılıqla məşğul olan sahibkarlar indiyədək 11 min 230 hektar sahədə şum çıxarıblar. Artıq şum çıxarılan sahələrin 8469 hektarına buğda, 410 hektarına isə arpa əkilib.
Ötən ilin müvafiq dövrü ilə müqayisədə şumlanmış sahələr 713 hektar çoxdur.