"Qarabağ" UEFA Avropa Liqasının qrup mərhələsinin sonuncu turu çərçivəsində "Anderlext"lə qarşılaşacaq.
Artıq oyunu idarə edəcək hakimlərin adlarına aydınlıq gəlib. "Anderlext" - "Qarabağ" görüşü sloveniyalılara həvalə olunub. Matçın baş hakimi Slavko Vinçiç olacaq. Ona Boyan Ul və Tomas Klançnik kömək edəcəklər. Əlavə köməkçi hakimlər Roberto Ponis və Draqoslav Periç olacaqlar. Dördüncü hakim funksiyasını isə Andraz Kovaçiç yerinə yetirəcək.
"Anderlext" - "Qarabağ" oyunu dekabrın 10-u Bakı vaxtı ilə saat 00:05-də başlayacaq.
