Bakı. Samir Məmmədov - Trend:
Yeni Azərbaycan Partiyası (YAP) sədrinin müavini - icra katibi, Baş nazirin müavini Əli Əhmədov bu gün Mərkəzi Neftçilər Xəstəxanasında müalicə alan, "Günəşli" yatağında baş vermiş yanğın zamanı xəsarət almış neftçiləri ziyarət edib.
Trend-in məlumatına görə, bü gün neftçiləri ziyarətə həmçinin Xoşbəxt Yusifzadə, Əhliman Əmiraslanov, Musa Yaqubov gəlib.
Xatırladaq ki, dekabrın 4-də saat 17:40 radələrində güclü tufan nəticəsində “Günəşli” yatağındakı 10 saylı dərin dəniz özülündə yüksək atmosfer təzyiqi ilə işləyən sualtı qaz xəttinin dayaq borusu qırılmış, boru kəməri zədələnmiş və yanğın baş vermişdir. Xilasetmə əməliyyatı nəticəsində 33 nəfər xilas edilib. Hazırda 26 nəfərin axtarışı davam etdirilir.
Bizi Twitter-dən izləyin: @trend_az
