Bakı, 7 dekabr, AZƏRTAC
Dekabrın 7-də fövqəladə hallar naziri general-polkovnik Kəmaləddin Heydərov, Azərbaycan Respublikası Dövlət Neft Şirkətinin prezidenti Rövnəq Abdullayev, Dövlət Sərhəd Xidmətinin rəisi - Sərhəd Qoşunlarının komandanı general-polkovnik Elçin Quliyev “Günəşli” yatağındakı 10 saylı özüldə baş vermiş qəza ilə əlaqədar hadisə zonasında yaradılmış qərargahda birgə müşavirə keçiriblər.
Fövqəladə Hallar Nazirliyinin mətbuat xidmətindən AZƏRTAC-a bildiriblər ki, müşavirədə qəza-xilasetmə əməliyyatının gedişi ilə bağlı məsələlər müzakirə edilib.
